“Star Mining” faydalı qazıntı yataqlarında geoloji planlama, dəlmə, partlayış, mədən istismarı, yükləmə, daşınma, anbarlama, xammalın çeşidlənməsi, həcmlərin hesablanması və rekultivasiya xidmətlərini peşəkar şəkildə həyata keçirir.
Sektorun aparıcı şirkətlərindən biri olaraq biz təbii resursların dəyərini qorumaqla onların səmərəli istismarını və idarəçiliyini təmin edirik.
Partlayış xidmətləri beynəlxalq standartlara uyğun şəkildə, müasir texnologiyalar və təcrübəli mütəxəssislərin nəzarəti altında həyata keçirilir.
Bu proseslər dəqiqliklə planlaşdırılır, hasilatın optimallaşdırılmasına və əməliyyat səmərəliliyinin artırılmasına şərait yaradır.
Şirkət xammal və məhsulların təhlükəsiz və normativlərə uyğun daşınmasını təmin edir. Müasir avtopark və ixtisaslaşmış sürücü heyəti sayəsində daşınma əməliyyatları effektiv şəkildə həyata keçirilir.
Nəqliyyat vasitələri GPS və radiotezlikli izləmə sistemləri ilə təchiz olunmuş, Mərkəzi İdarəetmə Otağı (CCR) yaradılmışdır.
Faydalı qazıntı yataqlarının ehtiyatlarının hesablanması və qiymətləndirilməsi məqsədilə geoloji kəşfiyyat xidmətləri təqdim edirik. Məqsədimiz — dəqiq məlumatlar əsasında iqtisadi və texniki baxımdan səmərəli hasilat qərarlarının qəbul edilməsini təmin etməkdir.